《Restraint 之怪獸家屬&老屎忽呀姐》
話說有一日有位家屬在探病時間沖出黎大叫
：（你地有無搞錯架 點解我呀媽成身都係奶？）
原來係呀婆拔左RT (鼻胃喉）而條RT餵緊奶
咁條喉落緊奶咪成床都係囉！
我咪答：小姐 其實岩岩我都有打俾你講呀婆已經唔係第一次拔喉 上次都係成身奶 係你無見到姐 如果食緊奶果陣拔有時候會搞到D奶落左肺到 會吸入性肺炎（aspiration pneumonia ) 對呀婆黎講好危險有機會有生命危險 但呀婆神智好亂唔聽我地講野 建議左用縛手帶縛一縛隻手 等呀婆遲下無咁亂先放佢 你地唔肯嘛
怪獸：咁佢成身奶咁樣好容易感冒架嘛
我心諗：咁唔通肺炎會死ge 就唔緊要？ 而且縛左佢咪唔會搞到成身奶囉！
我問佢：暫時黎講 縛一縛呀婆 咁呀婆咪唔會成身奶囉
怪獸：唉好喇好喇 真係好驚佢感冒呀！
我心OS：what the fuck?
Restraint 約束 其實分好多種 最常用就縛手 同小背心 兩者都會縛到床底
縛手帶limb holder 用黎防止病人去拔胃喉 生理鹽水豆 呼吸機得喉等等
背心就係用黎防止病人爬床而跌倒
Restraint 係last resort 最後手段
如果唔係講無可講 同埋考慮到唔用個後果的嚴重性 我係唔會用的！
拔呼吸機喉=自殺 因為呼吸機用黎幫助呼吸
拔胃喉= chok親 奶落肺 肺炎
拔生理鹽水= 放血 輕則幾ml 重則幾1x ml
攻擊人 = 傷害自己or他人
拔尿喉 = 扯到自己尿道損 出血
所以縛人是有有道理有原因的！
屋企人就唔捨得縛 病房呀姐就係唔係都話縛！
有D姐姐為求方便 一見呀婆想爬床
就大叫話縛佢縛佢 其實可能呀婆太急 想落床去洗手間姐 你解釋俾佢知 唔落得床 要用pan(便盆） 佢地一樣好明事理！
所以作為精明RN 一定要明察秋毫～👍🏻
Search